हरित लातूर

वृक्ष हा पर्यावरण संवर्धनातील एक अत्यंत महत्त्वाचा घटक आहे. हवेतील आद्रर्ता टिकवून ठेवणे, जमिनीची धूप थांबवणे, जमिनी खालील पाणी पातळी वाढवणी तसेच पाऊसचे प्रमाण वाढविण्यात त्यांचा मोठा वाटा असतो. ‘जलसंपन्न हरित लातूर’ हे अवघ्या लातूरकरांचे स्वप्न आहे. लातूरमधील दुष्काळ दूर करून पर्यावरणाचे संवर्धन व्हावे, यासाठी मा. संभाजी पाटील निलंगेकर यांच्या मार्गदर्शनाखाली जिल्ह्यात मोठ्याप्रमाणात वृक्ष लागवड मोहिमांचे आयोजन करण्यात येते. फक्त वृक्ष लागवड न करता त्या वृक्षांचे जतन-संवर्धन करण्यासाठी कार्यकर्त्यांना प्रतिबद्ध केले जाते. वृक्ष लागवडीविषय नागरिकांमध्ये देखील जागरूकता वाढावी, यासाठी ‘घर तिथे वृक्ष’ ही संकल्पना देखील त्यांच्याद्वारे राबविण्यात आली आहे. यामाध्यमातून आजपर्यंत जिल्ह्यात ७ लाखाहून अधिक वृक्षांचे रोपण व जतन करण्यात आले आहे.